Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

Qapıçıməhəllə kənd məktəbində 65 illik yubiley mərasimi keçirilib

Astara rayonu Əzizağa Əliyev adına Qapıçıməhəllə kənd ümumi orta ümumtəhsil məktəbinin texniki işçisi Orucova Minadə Duman qızının 65 illik yubileyi münasibətilə tədbir keçirilib.

Tədbirdə Minadə xanımın uzun illər ərzində göstərdiyi nümunəvi əmək fəaliyyəti, işinə məsuliyyətli və vicdanlı yanaşması, kollektivdə qazandığı hörmət və nüfuzu qeyd olunub. Yubilyara möhkəm cansağlığı, uzun ömür, ailə səadəti və xoş günlər arzulanıb.

Sonda Elm və Təhsil İşçiləri Həmkarlar İttifaqı Astara Rayon Komitəsi tərəfindən Minadə xanıma xatirə hədiyyəsi təqdim olunub.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Şahağac kənd uşaq bağçasının əməkdaşı Saçlı Məmmədova yubileyi münasibətilə təltif olunub

Astara rayonu Şahağac kənd körpələr evi-uşaq bağçasının texniki işçisi Məmmədova Saçlı Hacı qızının 65 illik yubileyi münasibətilə tədbir keçirilmişdir.

Tədbirdə çıxış edənlər Saçlı xanımı əlamətdar yubileyi münasibətilə səmimi-qəlbdən təbrik edərək ona möhkəm cansağlığı, uzun ömür, ailə səadəti və gələcək fəaliyyətində uğurlar arzulamışlar.

Çıxışlarda onun uzun illər ərzində göstərdiyi nümunəvi əmək fəaliyyəti, işinə vicdanla və məsuliyyətlə yanaşması, kollektiv arasında qazandığı hörmət və nüfuz xüsusi qeyd olunmuşdur.

Bildirilib ki, Saçlı xanım öz zəhməti, səmimiyyəti və kollektivə bağlılığı ilə hər zaman həmkarlarının rəğbətini qazanmış, çalışdığı müəssisənin fəaliyyətinə öz töhfəsini vermişdir.

Tədbirin sonunda Elm və Təhsil İşçiləri Həmkarlar İttifaqı Astara Rayon Komitəsi tərəfindən yubilyara xatirə hədiyyəsi təqdim olunmuşdur.

Qəhrəman şəhidlərimizin valideynləri ilə görüş keçirilib

Azərbaycanın ərazi bütövlüyü uğrunda canından keçərək şəhidlik zirvəsinə ucalan qəhrəman şəhidlərimizin valideynləri bir araya gətirilərək onların iştirakı ilə səmimi görüş təşkil olunmuşdur.

Görüş Elm və Təhsil İşçiləri Həmkarlar İttifaqı Astara Rayon Komitəsi tərəfindən təşkil edilmiş, şəhid valideynləri üçün yemək və çay süfrəsi açılmışdır.

Tədbirin əsas məqsədi Vətənimizin bütövlüyü uğrunda canlarını fəda edən şəhidlərimizin əziz xatirəsinə ehtiram göstərmək, onların valideynlərinə diqqət və qayğı nümayiş etdirməkdir.

Şəhidlərimizin əziz xatirəsi daim qəlbimizdə yaşayacaq. Allah bütün şəhidlərimizə rəhmət eləsin, valideynlərinə səbir və cansağlığı versin.

Uzunillik səmərəli fəaliyyət yüksək qiymətləndirildi

Astara rayonu üzrə Mərkəzləşdirilmiş Mühasibatlığın mühasibi Qurbanova Aygün Əkrəm qızının 65 illik yubileyi münasibətilə tədbir keçirilmişdir.

Tədbirdə Astara rayonu üzrə təhsil sektorunun müdiri Xədicə Əliyeva və Elm və Təhsil İşçiləri Həmkarlar İttifaqı Astara Rayon Komitəsinin sədri Cabir Hüseynov çıxış edərək Qurbanova Aygün Əkrəm qızının uzunillik səmərəli əmək fəaliyyətindən, təhsil sahəsində maliyyə-mühasibat uçotunun düzgün təşkili, maliyyə intizamının təmin olunması və üzərinə düşən vəzifələri yüksək məsuliyyətlə yerinə yetirməsi ilə qazandığı nüfuzdan bəhs etmişlər.

Çıxış edənlər yubilyarı 65 illik yubileyi münasibətilə səmimi-qəlbdən təbrik edərək ona möhkəm cansağlığı, uzun ömür, ailə səadəti, xoş günlər və bundan sonrakı fəaliyyətində uğurlar arzulamışlar.

Tədbirin sonunda Elm və Təhsil İşçiləri Həmkarlar İttifaqı Astara Rayon Komitəsi tərəfindən Qurbanova Aygün Əkrəm qızına təhsil sahəsində uzunillik səmərəli fəaliyyəti və 65 illik yubileyi münasibətilə xatirə hədiyyəsi təqdim olunmuşdur.

Alaşa kənd məktəbinin sabiq direktoru Vaqif Ağayev yubileyi münasibətilə tədbir keçirildi

Astara rayonu Rüstəm Şahbazov adına Alaşa kənd ümumi orta ümumtəhsil məktəbinin sabiq direktoru Ağayev Vaqif Şirzad oğlunun 65 illik yubileyi münasibətilə tədbir keçirilmişdir.

Tədbirdə Astara rayonu üzrə təhsil sektorunun müdiri Xədicə Əliyeva və Elm və Təhsil İşçiləri Həmkarlar İttifaqı Astara Rayon Komitəsinin sədri Cabir Hüseynov çıxış edərək Vaqif müəllimin uzunillik səmərəli pedaqoji fəaliyyətindən, gənc nəslin təlim-tərbiyəsində, milli-mənəvi dəyərlərə və vətənpərvərlik ruhuna sadiq vətəndaşlar kimi yetişdirilməsində göstərdiyi dəyərli xidmətlərdən bəhs etmişlər.

Çıxış edənlər yubilyarı 65 illik yubileyi münasibətilə səmimi-qəlbdən təbrik edərək ona möhkəm cansağlığı, uzun ömür, ailə səadəti, xoş günlər və bundan sonrakı həyatında uğurlar arzulamışlar.

Tədbirin sonunda Elm və Təhsil İşçiləri Həmkarlar İttifaqı Astara Rayon Komitəsi tərəfindən Ağayev Vaqif Şirzad oğluna təhsil sahəsindəki səmərəli fəaliyyəti və 65 illik yubileyi münasibətilə Fəxri Fərman və xatirə hədiyyəsi təqdim olunmuşdur.

Vaqif müəllimi əlamətdar yubileyi münasibətilə bir daha ürəkdən təbrik edir, ona möhkəm cansağlığı, uzun ömür və yeni nailiyyətlər arzulayırıq!

Astaralı şagird Respublika Fənn Müsabiqəsində III yer qazandı

Astara rayonu Sım kənd tam orta ümumtəhsil məktəbinin VII sinif şagirdi Aslanzadə Nigar Elşən qızı biologiya fənni üzrə Respublika Fənn Müsabiqəsinin final mərhələsində uğurla iştirak edərək III yerə layiq görülmüş və gümüş medal qazanmışdır.

Bu münasibətlə Elm və Təhsil İşçiləri Həmkarlar İttifaqı Astara Rayon Komitəsinin sədri Cabir Hüseynov müsabiqə qalibi və onun biologiya müəllimi ilə görüş keçirmişdir.

Görüş zamanı Cabir Hüseynov şagirdi əldə etdiyi uğur münasibətilə təbrik etmiş, ona gələcək təhsilində və elmi fəaliyyətində yeni nailiyyətlər arzulamışdır. O, eyni zamanda bu uğurun qazanılmasında əməyi olan müəllimə və valideynlərə təşəkkürünü bildirmişdir.

Sonda Respublika Fənn Müsabiqəsinin qalibinə xatirə hədiyyəsi təqdim olunmuş, onun müəllimi isə göstərdiyi səmərəli fəaliyyətə görə təşəkkürnamə ilə təltif edilmişdir.

Astara rayonunda yubiley tədbirləri davam edir.

Astara rayonu Azad İbrahimov adına Şuvi kənd tam orta ümumtəhsil məktəbinin müəllimi Muradov Natiq Nizam oğlunun 65 illik yubileyi münasibətilə tədbir keçirilmişdir.

Yubiley tədbirində çıxış edənlər Natiq müəllimin uzunillik səmərəli pedaqoji fəaliyyətindən, gənc nəslin təlim-tərbiyəsində, milli-mənəvi dəyərlərə və vətənpərvərlik ruhuna sadiq yetişdirilməsində göstərdiyi xidmətlərdən bəhs etmiş, onu əlamətdar yubileyi münasibətilə səmimi-qəlbdən təbrik edərək möhkəm can sağlığı, uzun ömür, ailə səadəti və bundan sonrakı fəaliyyətində yeni uğurlar arzulamışlar.

Tədbirin sonunda Elm və Təhsil İşçiləri Həmkarlar İttifaqı Astara Rayon Komitəsi tərəfindən Muradov Natiq Nizam oğluna təhsil sahəsindəki səmərəli fəaliyyəti və 65 illik yubileyi münasibətilə Fəxri Fərman və xatirə hədiyyəsi təqdim olunmuşdur.

Şəhid anası, zəhməti və fədakarlığı ilə seçilən Hədiyyə Hüseynovanın yubileyi qeyd edildi

Astara şəhəri Ziya Bünyadov adına 2 nömrəli tam orta ümumtəhsil məktəbinin texniki işçisi, şəhid anası Hüseynova Hədiyyə Mirzəhüseyn qızının yubileyi münasibətilə məktəbdə tədbir keçirilmişdir.

Tədbirdə çıxış edənlər Hədiyyə xanımı əlamətdar yubileyi münasibətilə səmimi-qəlbdən təbrik edərək ona möhkəm cansağlığı, uzun ömür, ailə səadəti və xoş günlər arzulamışlar. Çıxışlarda onun məktəbdəki nümunəvi fəaliyyəti, işinə məsuliyyət və vicdanla yanaşması, kollektiv arasında qazandığı hörmət və nüfuz xüsusi qeyd olunmuşdur.

Vurğulanmışdır ki, Hədiyyə xanım zəhməti, səmimiyyəti və kollektivə bağlılığı ilə həmkarlarının rəğbətini qazanmış, məktəbin ictimai həyatında fəal iştirak etmişdir. Onun fədakar fəaliyyəti və yüksək insani keyfiyyətləri məktəb kollektivi tərəfindən daim yüksək qiymətləndirilir.

Tədbirin sonunda Elm və Təhsil İşçiləri Həmkarlar İttifaqı Astara Rayon Komitəsi tərəfindən yubilyara hədiyyə təqdim olunmuş, ona gələcək həyatında yeni uğurlar və xoşbəxt günlər arzu edilmişdir.

Astara rayonu Deqadi kənd tam orta ümumtəhsil məktəbinin direktoru Zikrulla Salayevin 65 illik yubileyi qeyd olundu.

Astara rayonu Deqadi kənd tam orta ümumtəhsil məktəbin direktoru Salayev Zikrulla Əsabəddin oğlunun 65 illik yubileyi münasibətilə geniş və yaddaqalan tədbir keçirilmişdir.

Tədbirdə Astara rayonu üzrə təhsil sektorunun müdiri Xədicə Əliyeva, məktəbin pedaqoji kollektivi və ictimaiyyət nümayəndələri iştirak etmişlər. Çıxış edənlər Zikrulla müəllimi əlamətdar yubileyi münasibətilə səmimi-qəlbdən təbrik edərək, onun uzun illər təhsil sahəsində göstərdiyi məsuliyyətli, dürüst və fədakar fəaliyyətini yüksək qiymətləndirmişlər.

Yubiley tədbirində Zikrulla müəllimin zəngin pedaqoji fəaliyyəti, məktəb kollektivində qazandığı böyük nüfuz, təhsilin inkişafına verdiyi töhfələr və gənc nəslin təlim-tərbiyəsindəki xidmətləri xüsusi vurğulanmışdır. Ona gələcək fəaliyyətində yeni nailiyyətlər, möhkəm can sağlığı və uzun ömür arzulanmışdır.

Yubiley münasibətilə Elm və Təhsil İşçiləri Həmkarlar İttifaqı Astara Rayon Komitəsi tərəfindən Zikrulla müəllim Fəxri Fərman və qiymətli hədiyyə ilə təltif olunmuşdur.

Astara rayonu Səməd Vurğun adına Təngərüd kənd tam orta ümumtəhsil məktəbində 65 illik yubileyi tədbiri keçirildi

Astara rayonu Səməd Vurğun adına Təngərüd kənd tam orta ümumtəhsil məktəbinin müəllimi Fətəliyeva Aytəkin Oğlan qızının 65 illik yubileyi münasibətilə tədbir keçirilmişdir.

Yubiley tədbirində çıxış edənlər Aytəkin müəllimin uzunillik pedaqoji fəaliyyətindən, gənc nəslin təlim-tərbiyəsində və vətənpərvərlik ruhunda formalaşmasında göstərdiyi xidmətlərdən bəhs etmiş, onu əlamətdar yubileyi münasibətilə təbrik edərək bundan sonrakı həyatında möhkəm can sağlığı, xoşbəxtlik və yeni uğurlar arzulamışlar.

Sonda Elm və Təhsil İşçiləri Həmkarlar İttifaqı Astara Rayon Komitəsi tərəfindən Fətəliyeva Aytəkin Oğlan qızına təhsil sahəsindəki səmərəli fəaliyyəti və 65 illik yubileyi münasibətilə Fəxri Fərman və xatirə hədiyyəsi təqdim olunmuşdur.

Hörmətli Aytəkin müəllim, 65 illik yubileyiniz mübarək olsun! Sizə möhkəm can sağlığı, uzun ömür, ailə səadəti və fəaliyyətinizdə yeni nailiyyətlər arzulayırıq.